طولکرم – (فلسطین نیوز۔مرکز اطلاعات) فلسطین کے مقبوضہ مغربی کنارے کے شمالی شہر طولکرم میں Â نامعلوم مسلح افراد نے Â اسرائیلی جیلوں میں قید بھوک ہڑتالی اسیران کی حمایت میں نکالی گئی ایک ریلی پر وحشیانہ Â فائرنگ کی Â جس کے نتیجے میں بچوں سمیت کم سے کم 10 فلسطینی زخمی ہوگئے۔ زخمیوں میں سے دو کی حالت تشویشناک بیان کی جاتی ہے۔
فلسطین نیوز کو موصول ہونے والی اطلاعات کے مطابق طولکرم پناہ گزین کیمپ کے شہریوں نے اسرائیلی جیلوں میں گذشتہ 33 روز سے بھوک ہڑتال کرنے والے اسیران کے ساتھ اظہار یکجہتی کے لیے ریلی نکالی۔اس موقع پر نقاب پوش مسلح افراد نے مظاہرین پر فائرنگ کی جس کے نتیجے میں متعدد شہری زخمی ہوگئے۔
عینی شاہدین کا کہنا ہے کہ مظاہرین پر نقاب پوش حملہ آور اسرائیلی فوجی اہلکار تھے جنہوں نے آٹومیٹک بندوق سے شہریوں پر فائرنگ کی۔
زخمی ہونے والے تمام فلسطینیوں کو اسپتالوں میں لے جایا گیا ہے جہاں ان کی حالت تشویشناک بیان کی جاتی ہے۔ زیادہ تر شہریوں کو جسم کے نچلے حصے میں زخم آئے ہیں۔ زخمیوں میں بچے بھی شامل ہیں۔