فلسطینیوں کے 09 مکانات کی مسماری کے اسرائیلی نوٹسز

صہیونی فوج نے فلسطین کے مقبوضہ مغربی کنارے جنوبی شہر بیت لحم میں فلسطینی شہریوں کے مزید نو مکانات کو مسمار کرنے کے نوٹسز جاری کیے ہیں۔ یہ مکانات بیت لحم میں وادی النیص کے مقام پر واقع ہیں اور اسرائیلی فوج کا دعویٰ ہے کہ یہ تمام مکانات صہیونی انتظامیہ کی منظوری کے بغیر تعمیر کیے گئے ہیں، اس لیے انہیں خالی کرانے کے بعد مسمار کر دیا جائے گا۔

مرکز اطلاعات فلسطین کے مطابق بیت لحم میں وادی النیص پر یہودی فوج نے منگل کو دھاوا بولا اور 9 مکانات کے مالکان کو مسماری کے نوٹس تھماتے ہوئے انہیں دی گئی کہ کہ مکانات مسمارخالی کرنے کے بعد نہ گرائے گئے تو فوج خود ہی کارروائی کرے گی۔ ان میں کچھ مکانات زیرِتعمیر ہیں۔

مقامی ذرائع نے بتایا کہ صہیونی فوج نے نصری محمد ابو حماد، عیسیٰ محمد ابو حماد، اسامہ ناجی ابو حماد، انور صقر ابو حماد، راتب محمد احمد ابو حماد، سعید خلیل ابو حماد، علی احمد موسیٰ ابو حماد اور صلاح نعیم عبداللہ ابو حماد کو مکانات فوری طور پر خالی کرنے کے بعد انہیں گرانے کے احکامات دیے ہیں۔

خیال رہے کہ جس علاقے میں مکانات مسماری کے لیے اسرائیلی فوج نے نوٹسز جاری کیے ہیں۔ اس کے آس پاس چند روز قبل اسرائیلی فوج نے 1500 ایکڑ فلسطینی اراضی غصب کر کے اسے فوجی کیمپ میں تبدیل کر دیا تھا۔

بشکریہ:مرکزاطلاعات فلسطین