فلسطین کے مقبوضہ مغربی کنارے کے شہر سلفیت میں حارس کے مقام پر اسرائیلی فوج نے فلسطینی شہریوں کی اراضی پر بلڈوزر چلانا شروع کردیے ہیں تاکہ اسے ہموار کرکے قریب ہی واقع برکان یہودی کالونی میں ضم کیا جاسکے۔
مقامی ذرائع نے مرکز اطلاعات فلسطین کو بتایا کہ جمعرات کے روز اسرائیلی فوج نے بلڈوزروں کی مدد سے خلہ حبیبہ کے مقام پر فلسطینی شہریوں کی 20 ایکڑ اراضی پر بلڈوزر پھیرنا شروع کیے۔ اس سے قبل اس نوعیت کی کارروائیوں کی پیشگی اطلاع دی جاتی تھی لیکن اب کی بار صہیونی فوج نے کوئی پیشگی اطلاع دینا بھی مناسب نہیں سمجھا اور اچانک فلسطینی اراضی پر غاصبانہ قبضہ کرلیا گیا۔
ذرایع نے بتایا کہ مغصوبہ اراضی الحاج علی داود صوف نامی خاندان کی ملکییت ہے اور یہ ان کی زرعی اراضی کا حصہ ہے۔ بلڈوزر چلانے کے بعد صہیونی فوج نے اس جگہ کے ارد گرد خاردار تار کی باڑ لگا دی تاکہ کوئی شخص اندر داخل نہ ہوسکے۔ اراضی پر غاصبانہ قبضے کا مقصد یہودی کالونی کی توسیع کرنا ہے جو اس علاقے میں پہلے سے زیر تعمیر ہے
بشکریہ:مرکزاطلاعات فلسطین