(فلسطین نیوز۔مرکز اطلاعات) فلسطین کے مقبوضہ بیت المقدس میں ایک کارروائی کے دوران صہیونی فوجیوں نے ایک فلسطینی نوجوان کو حراست میں لیا ہے جس پریہودی فوجیوں پر چاقو سے حملے کی منصوبہ بندی کا الزام عائد گیا گیا ہے۔ اسرائیلی فوجیوں نے دعویٰ کیا ہے کہ انہوں نے حراست میں لیے گئے فلسطینی نوجوان سے ایک چاقو بھی قبضے میں لیا ہے۔
عینی شاہدین نے بتایا کہ اسرائیلی فوجیوں نے بیت المقدس کے وسطی قصبے باب العامود سے ایک فلسطینی نوجوان کو گرفتار کرنے کے بعد ایک حراستی مرکز منتقل کردیا ہے جہاں اس سے تفتیش جاری ہے۔
اسرائیلی پولیس کی جانب سے جاری کردہ بیان میں دعویٰ کیا گیا ہے کہ حراست میں لیا گیا فلسطینی نوجوان اسرائیلی فوجیوں پر چاقو سے حملے کی منصوبہ بندی کررہا تھا۔ پولیس کے بیان کے مطابق گرفتار کیے گئےفلسطینی کی عمر 20 سال کے درمیان ہے اور اس کا رہائشی تعلق غرب اردن کے شمالی شہر جنین سے ہے۔
قبل ازیں سرائیلی فوجیوں نے باب العامود کے مقام پر ایک پندرہ سالہ فلسطینی لڑکی راما جعابیص کو گولیاں مار کر شہید کردیا تھا۔ صہیونی فوجیوں کا دعویٰ ہے کہ شہید ہونے والی لڑکی اسرائیلی فوجیوں پر چاقو سے حملے کی کوشش کررہی تھی۔