مرکزاطلاعات فلسطین کے مطابق منگل کو علی الصباح یہودی آباد شمالی مغربی کنارے کی "بیت ایل” یہودی کالونے کے باہرشاہراہ عام پر جمع ہوئے اور انہوں نے سڑک پرچلنے والی فلسطینی گاڑیوں پر سنگ باری شروع کردی۔
عینی شاہدین کا کہنا ہے کہ یہودی آباد کاروں نے رام اللہ اور نابلس شہروں کو ملانے والی مرکزی شاہرہ پر فلسطینیوں کی گاڑیوں پر پتھرائو کا نشانہ بنایا جس کے نتیجے میں کئی گاڑیوں کےشیشے ٹوٹ گئے۔
ادھر رام اللہ میں الجلزون پناہ گزین کیمپ کے قریب فلسطینی شہریوں اور اسرائیلی فوج کے درمیان جھڑپوں کی بھی اطلاعات ہیں۔ رام اللہ میں گذشتہ روز فائرنگ کے واقعے کے یہودی آباد کاروں اور اسرائیلی فوجیوں نے فلسطینی آبادیوں پربھی دھاوے بولنا شروع کردیے ہیں۔ منگل کو علی الصباح رام اللہ کے مختلف علاقوں میں بڑی تعداد میں یہودی سڑکوں پر نکل آئے اور انہوں ںے راہ چلتے فلسطینیوں کو بھی زدو کوب کیا۔
دوسری جانب اسرائیلی فوج نے شمالی مغربی کنارے کی یہودی کالونیوں کے قرب وجوار میں فورسز کو ہائی الرٹ کردیا ہے۔ فوج کو ایک ایسے وقت میں چوکس رہنے کا حکم دیا گیا ہے جب فلسطینیوں کی انفرادی سطح کی مزاحمتی کارروائیوں میں اب تک متعدد یہودی شرپسند زخمی ہوئے ہیں۔
بشکریہ:مرکزاطلاعات فلسطین