عینی شاہدین نے مرکزاطلاعات فلسطین کو بتایا کہ اتوار کو علی الصباح یہودی آباد کاروں نے مشرقی رام اللہ میں وقع المغیر قصبے پر دھاوا بولا اور فلسطینیوں کے گھروں پر پٹرول چھڑکنے کی کوشش کی گئی تاہم فلسطینی اپنے گھروں سے باہرنکل آئے۔ انہیں دیکھتے ہی یہودی شرپسند بھاگ کھڑے ہوئے تاہم جاتے ہوئے وہ قریب ہی کھیتوں میں کھڑی چاول کی فصلوں اور زیتون کے باغات کو آگ لگا گئے جس کے نتیجے میں بڑی تعداد میں فصلیں اور زیتون کے پودے جل کرخاکستر ہوگئے۔
ایک عینی شاہد نے بتایا کہ یہودی کالونیوں کا تعاقب کرنے پر اسرائیلی فوجیوں نے فلسطینیوں پر فائرنگ کی اوران پر اشک آور گیس کی شیلنگ کی گئی جس کے بعد فلسطینی گھروں کو واپس آگئے۔ اسرائیلی فوجیوں کی سرپرستی میں ہونے والی اس وحشیانہ کارروائی میں زیتون کے 50 پودے تلف ہوگئے ہیں۔
ادھرصہیونی فوجیوں نے المغیرقصبے میں تلاشی کی کارروائیوں میں تین فلسطینیوں کو تشدد کے بعد حراست میں لے لیا۔ حراست میں لیے گئے فلسطینیوں کی شناخت نہیں ہوسکی ہے۔
بشکریہ:مرکزاطلاعات فلسطین