مرکزاطلاعات فلسطین کے مطابق زخمیوں بھائیوں کے ایک تیسرے بھائی ھانی فتحی خلیف نے بتایا کہ ایک کار میں سوار یہودی آباد کار نے نہایت تیز رفتاری کے ساتھ گاڑی چلاتے ہوئے ان کے بھائی 37 سالہ فتحی خلیف اور 35 سالہ مہند جبکہ انکی بیویوں 20 سالہ ایمان مہنا خلیف اور 25 سالہ آمال جو کہ اس کی سگی بہن ہے پر چڑھادی جس کے نتیجے میں وہ چاروں زخمی ہوگئے ہیں۔ یہ واقعہ قلقیلیہ کے مشرق میں النبی الیاس کے مقام پر پیش آیا۔ یہودی آباد کار ایک قریبی یہودی کالونی کی جانب فرار ہوگئے۔
چاروں زخمیوں کو اسپتال منتقل کیا گیا ہے جہاں ان کی حالت خطرے سے باہر بیان کی جاتی ہے۔
خیال رہے کہ فلسطین کے مقبوضہ مغربی کنارے اور بیت المقدس میں یہودی آباد کاروں کی جانب سے فلسطینی شہریوں پر گاڑیاں چڑھا کر انہیں کچلنا اب روز کامعمول بن چکا ہے۔ ایک دو روز قبل بیت المقدس میں یہودی آباد کاروں نے ایک فلسطینی بچے کو کچل ڈالا تھا۔
بدقسمتی سے ایسے واقعات اسرائیلی ریاست کی سرپرستی اور سیکیورٹی اداروں کی نگرانی میں ہو رہے ہیں جو یہوی انتہا پسندوں کو فلسطینیوں پرحملوں کی مزید حوصلہ افزائی فراہم کرتے ہیں۔ فلسطینیوں کو گاڑیوں تلے کچلنے والے یہودی شرپسندوں کے خلاف کسی قسم کی قانونی کارروائی تک نہیں کی جاتی ہے۔ جبکہ کسی فلسطینی کی گاڑی کی غلطی سے ٹکر سے کوئی یہودی آباد کار زخمی ہوجائے تو اسے فوری طورپر گولی ماردی جاتی ہے۔
بشکریہ:مرکزاطلاعات فلسطین