اسرائیلی فوجیوں کی ایک بڑی تعداد نے حالیہ انتخاب میں اپنا ووٹ ‘گرین پیپر’ نامی سیاسی جماعت کے حق میں استعمال کیا ہے۔ عبرانی اخبار یدیعوت احرونوت کے مطابق یہ جماعت ملک میں نشہ آور مواد کے استعمال کو جائز قرار دلوانے کے لئے قانون سازی کرانا چاہتی ہے۔
اخبار کے مطابق آٹھ ہزار اسرائیلی فوجیوں نے ‘گرین پیپر’ جماعت کے حق میں ووٹ ڈالا ہے۔ یہ جماعت فوجی سروس میں بہتری اور منشیات کے استعمال کو قانونی قرار دلوانے کے لئے کوشاں ہے۔ انتخابات میں اس جماعت کو ملنے والے ووٹوں کی تعداد اگرچہ فیصلہ کن نہیں رہی۔
یدیعوت احرونوت نے صہیونی فوجی کا ایک بیان نقل کیا ہے جس کے مطابق ‘گرین پیپر’ پارٹی کا نوجوانوں بالخصوص فوجیوں میں مقبولیت حاصل کرنا عجب بات نہیں ہو گی۔ اب منشیات کے استعمال کو قانونی قرار دلوانے کا وقت آ گیا ہے۔
گزشتہ برس کے اعداد و شمار کے مطابق اسرائیلی فوج میں منشیات کے استعمال اور بیرکوں میں اس کی ترویج کی پاداش میں سپاہیوں کی بڑی تعداد کے خلاف تادیبی کارروائی کی گئی۔
بشکریہ:مرکز اطلاعات فلسطین