عرب اتحاد پارٹی کے سربراہ اور مقبوضہ فلسطین میں عرب تبدیلی اور قومی اتحاد کے سربراہ نے منگل کے روز اپنے خطاب میں کہا کہ کنیسٹ انتہاء پسند اراکین پارلیمان
کی حالیہ دنوں مسجد اقصی کی جانب ریلیوں اور قبلہ اول کو منہدم کر کے اس کی جگہ نام نہاد ھیکل سلیمانی تعمیر کرنے کی حالیہ مہم کو تنقید کا نشانہ بنایا ہے۔ انہوں نے کہا کہ اسرائیل نے ’’القدس ڈے‘‘ کے نام پر مسجد اقصی میں تلمودی عبادات کی ادائیگی کی اور اسے مکمل طور پر تباہ کرنے کی دھمکی بھی دیدی ہے جو اسکی جانب سے اسلامی مقدس مقامات کے خلاف کھلی جنگ تصور کی جارہی ہے۔
صرصور نے بتایا کہ ماضی میں بھی یہودی آباد کار مسجد اقصی میں داخل ہوتے رہے ہیں تاہم اس سے قبل کبھی بھی انہوں نے اتنے بڑے پیمانے پر جارحانہ کارروائیاں نہیں کیں۔ وہ نئے نہ صرف نئی گرین لائن سے بھی آگے تک گئے بلکہ انہوں نے مسجد اقصی کی قریبی آبادیوں کو بھی ڈرایا اور دھمکایا ہے۔
ان کا کہنا تھا کہ ایک معروف یہودی پیشوا نے ذرائع ابلاغ کے کیمروں کے سامنے کھڑے ہو کر یہ بیان دیا ہے کہ ھیکل سلیمانی تعمیر ہوکر رہے گا، یہودی مذہبی پیشوا کا ارادہ گنبد صخرہ کو گرا کر ھیکل سیلمانی تعمیر کرنا تھا۔ ان کا کہنا تھا کہ صہیونی ہماری حکومت اور قوم سے یہ دیکھنا چاہتے ہیں کہ یہودی مسجد اقصی پر دھاوے بولتے رہیں اور ہم خاموش تماشائی بنے رہیں یا اگر بولیں تو دونوں جانب سے تصادم شروع ہوجائے۔ اسرائیلی حکومت ڈیڑھ ارب مسلمانوں کی موجودگی میں مسجد اقصی اور گنبد صخری کی جگہ ھیکل سلیمانی تعمیر کرنا چاہتا ہے۔
بشکریہ: مرکز اطلاعات فلسطین