اسلامی بلاک غزہ کے سربراہ ھانی مکبل نے کہا ہے کہ مغربی کنارے میں جاری حراستی مہم کا مقصد النجاح یونیورسٹی میں جاری طلبہ یونین انتخابات کے نتیجے کو متاثر کرنا ہے۔
مکبل نے ایک بیان میں قابض اسرائیل اور فلسطینی اتھارٹی کے درمیان اسلامی بلاک کو انتخابات سے دور رکھنے کے لئے جاری ملی بھگت کی مذمت کی۔
انہوں نے کہا ہے کہ دونوں [اسرائیل اور فلسطینی اتھارٹی] دوسری جامعات میں ہونے والے طلبہ یونین کے نتائج سے حیران رہ گئے تھے کہ جن سے تمام تر کوششوں کے باوجود اسلامی بلاک نے خاطر خواہ کامیابی حاصل کی تھی۔
مکبل نے زور دیا کہ اس طرح کی ڈرانے دھمکانے اور گرفتاری مہم سے اسلامی بلاک کے عزم کو کمزور نہیں کیا جا سکتا اور وہ ہر طرح کے دبائو کے باوجود اپنے کام میں مشغول رہے گی۔ انہوں نے مزید بتایا کہ یہ گرفتاریاں صرف بلاک کی انتخابات میں حصہ لینے اور ان کو چیلنج کرنے کے ارادے کو تقویت دیں گی۔
قابض اسرئیلی فوج نے الیکشن مہم کے آغاز سے صرف چند گھنٹے قبل ہی اسلامی بلاک کے پانچ رہنمائوں کو حراست میں لے لیا۔ بلاک نے چھے سالوں میں پہلی بار انتخابات میں حصہ لینے کا اعلان کیا ہے۔
بشکریہ:مرکز اطلاعات فلسطین