سلفیت (فلسطین نیوز۔مرکز اطلاعات) صہیونی حکام نے فلسطین کے مقبوضہ مغربی کنارے کے شمالی شہر سلفیت میں ’ارئیل‘ صیہونی کالونی سے متصل ’بطن الحمام‘ اراضی پر قبضہ کرلیا۔
فلسطین نیوز کو موصول ہونے والی اطلاعات کے مطابق مقامی ذرائع نے بتایا کہ اسرائیلی حکام نے بھاری مشینری کی مدد سے فلسطینی اراضی پر کھدائی شروع کردی ہے۔ کہا جا رہا ہے کہ اس راضی پر کارخانہ قائم کیا جائے گا۔مقامی فلسطینی سماجی کارکن ڈاکٹر خالد معالی نے کہا کہ شمال مغربی سلفیت میں چوتھے صنعتی زون میں ایک نئی فیکٹری قائم کرنے کی کوشش کی جا رہی ہے۔ ان کا کہنا تھا کہ اسرائیلی فوج نے خلاف قانون فلسطینی اراضی پر کھدائی شروع کر رکھی ہے۔ فلسطینی اراضی پرفیکٹریوں اور دیگر املاک کی تعمیر کی آڑ میں قبضہ کیا جا رہا ہے۔