مرکز اطلاعات فلسطین ڈینش ہلال احمر الخیر کے چیئرمین محمد قیس نے میڈیا کو بتایا کہ ان کے ادارے نے موسم سرما کے دوران فلسطینی پناہ گزینوں کی ہنگامی امداد کے حوالے سے ایک نئی امدادی مہم شروع کی ہے جس کے تحت اندورن اور بیرون فلسطین موجودہ فلسطینی پناہ گزینوں کو امداد فراہم کی جا رہی ہے۔
قیس نے بتایا کہ ان کے ادارے کی جانب سے فلسطینی پناہ گزینوں کی امداد کے حوالے سے کام کرنے والے ادارے "یورپی مہم” کےساتھ بھی بھرپورتعاون کیا اور اب تک ترکی، لبنان، شام اور قبرص میں موجود فلسطینی پناہ گزینوں کو امداد فراہم کی گئی ہے۔ انہوں نے کہا کہ فلسطینی پناہ گزینوں کے لیے امدادی پروگرام کسی ایک علاقے تک محدود نہیں ہوگا بلکہ جہاں جہاں فلسطینی پناہ گزین کی حیثیت سے مقیم ہیں ان کی ضروریات کا خیال رکھا جائے گا۔
ایک سوال کے جواب میں ڈینش امدادی ادارے کے سربراہ کا کہنا تھا کہ ڈنمارک میں مقامی شہریوں کی جانب سے فلسطینی پناہ گزینوں کے لیے امدادی سرگرمیوں میں شہری بڑھ چڑھ کر حصہ لے رہے ہیں۔ ان کے ادارے کے تعاون سے غزہ کی پٹی میں اسرائیلی جنگ کے نتیجے میں تباہ ہونے والے 70 مکانات کی تعمیر کا کام بھی مکمل کیا گیا ہے۔
بشکریہ:مرکزاطلاعات فلسطین