فلسطین میں چھ ٹی وی چینلز نے اسرائیل کی آٹھ روزہ بمباری میں تباہ ہونے والے غزہ کی تعمیر نو اور شہداء و زخمیوں کے خاندانوں کی نصرت کے لیے امدادی مہم میں حصہ لینے کا اعلان کیا ہے۔
یہ چھ ٹی وی چینلز منگل کی شام غزہ کے لیے فنڈز اکھٹا کرنے کی مہم میں حصے لیں گے۔ چودہ تا اکیس نومبر آٹھ روز تک غزہ پر صہیونی بمباری میں 174 فلسطینی شہید اور 1399 زخمی ہوگئے تھے۔ اس مہم میں حصہ لینے والے سیٹلائٹ چینلز میں ‘رسالہ’ ، ‘فور شباب’، ‘القدس’،’بغداد’، ‘الاقصی’ اور ‘الیرموک’ شامل ہیں۔
یہ چھ ٹی وی چینلز منگل کی شام غزہ کے لیے فنڈز اکھٹا کرنے کی مہم میں حصے لیں گے۔ چودہ تا اکیس نومبر آٹھ روز تک غزہ پر صہیونی بمباری میں 174 فلسطینی شہید اور 1399 زخمی ہوگئے تھے۔ اس مہم میں حصہ لینے والے سیٹلائٹ چینلز میں ‘رسالہ’ ، ‘فور شباب’، ‘القدس’،’بغداد’، ‘الاقصی’ اور ‘الیرموک’ شامل ہیں۔
یہ مہم اسرائیل کی جانب سے غزہ پر خوفناک غارت گری کے چند روز بعد شروع کی جارہی ہے۔ اسرائیل کی گولہ باری میں غزہ میں ایک ہزار سے زائد گھروں کو نقصان پہنچا تھا جن میں سے اڑھائی سو گھر مکمل طور پر تباہ ہوگئے ہیں۔ گھروں کی تباہی سے سردیوں کے آغاز میں ہی خواتین اور بچوں سمیت ہزاروں افراد بے گھر ہو گئے ہیں۔
اس مہم کو ”ہم متحد ہوکر غزہ تعمیر کرینگے، زخمیوں سے تعاون کرینگے” کا نام دیا گیا ہے۔یہ مہم القدس کے ٹائم کے مطابق رات دس سے بارہ بجے تک چلائی جائے گی۔ یاد رہے کہ غزہ پر آٹھ روز تک خوفناک بمباری سے پہلے سے صہیونی محاصرے میں گھری غزہ کی پٹی کے مختلف شعبوں میں لگ بھگ ڈیڑھ ارب ڈالرز کا نقصان پہنچا ہے۔