فلسطینی میڈیکل سروسز نے منگل کے روز اسرائیلی بمباری میں شہید ہونے والے دو بچوں کی نعشیں ہسپتال منتقل کر دیں
جس کے بعد گزشتہ چوبیس گھنٹوں میں غزہ پر صہیونی حملوں میں شہید ہونے والوں کی تعداد چھ تک جا پہنچی ہے۔
لسطینی وزارت صحت کے ترجمان ڈاکٹر اشرف القدرہ نے ’’مرکز اطلاعات فلسطین‘‘ کے ساتھ خصوصی گفتگو میں بتایا کہ سٹاف کو ملنے والے شہداء کی نعشوں میں سے ایک کی شناخت محمد بسام ابو معیلق کے نام سے ہوئی ہے جو ایک سولہ سالہ لڑکا ہے۔ دوسرا لڑکا سولہ سالہ یوسف التلبانی ہے۔ ان دونوں کو شہداء اقصی کے ہسپتال منتقل کردیا گیا۔ اسرائیلی لڑاکا طیاروں نے دیر بلح کے مشرقی علاقے کو ہدف بنایا تھا۔
اسرائیلی فوج نے دعوی کیا ہے کہ یہ دونوں لڑکے غزہ کی پٹی کے قریب اسرائیلی سکیورٹی ٹاور کے قریب دھماکہ خیز مواد نصب کر رہے تھے۔ خیال رہے کہ اس سے قبل اسرائیلی لڑاکا طیارے غزہ کی پٹی پر دو غارت گریاں کر چکے ہیں جس میں حماس کے عسکری ونگ القسام بریگیڈ کے مجاہد اور جہاد اسلامی کے عسکری ونگ القدس بریگیڈ کے دو مجاہدوں سمیت چار افراد شہید ہو چکے تھے۔
بشکریہ: مرکز اطلاعات فلسطین