(فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے سے متصل وادی اردن کے علاقے العوجا میں ایک فلسطینی لڑکی کو حراست میں لیا ہے۔ اس پر یہودی فوجیوں پر چاقو سے حملہ کرنے کا الزام عائد کیا گیا ہے۔
رپورٹ کے مطابق فلسطینی لڑکی کو العوجا شہرکی شاہراہ 90 سے حراست میں لیا گیا اور اس کےقبضے سے ایک چاقو بھی برآمد کیا گیا ہے۔مبینہ طورپر اس نے یہ چاقو ایک سارائیلی فوجی کےکندھے میں گھونپ دیا تھا جس کے نتیجے میں وہ شدید زخمی ہوا ہے۔اسرائیلی پولیس کا کہنا ہے کہ یہ واقعہ بدھ اور جمعرات کی درمیانی شب پیش آیا۔ یہ اس علاقے میں چوبیس گھنٹے میں تیسری کارروائی ہے۔
رپورٹ کے مطابق فوج نے جنوبی نابلس میں رحالیم کے مقام پر فائرنگ کی ہے تاہم اس کے نتیجے میں کسی شخص کے زخمی ہونے کی اطلاعات موصول نہیں ہوسکی ہیں۔