(فلسطین نیوز۔مرکز اطلاعات) اسرائیلی فوج کی جانب سے شہید فلسطینی نوجوانوں کے جسد خاکی ان کے ورثاء کے حوالے کیے جانے کےبعد اب بھی 15 شہداء کی میتیں دشمن فوج کی تحویل میں ہیں اور انہیں انہیں ان کے لواحقین کے حوالے کرنےسے انکار کیا جا رہا ہے۔
رپورٹ کے مطابق یکم اکتوبر 2015 ء کے بعد دہشت گردی کے دوران شہید کیے جانے کے بعد تحویل میں رکھے گئے فلسطینی شہداء کے جسد خاکی میں سے چار کا تعلق الخلیل شہر سے ہے۔رپورٹ کے مطابق چار فلسطینی شہیدوں کے جسد خاکی جو ابھی تک ان کے ورثاء کو نہیں دیے گئے ان کا تعلق الخلیل جب کہ دیگر گیارہکا بیت المقدس سے ہے۔ انسانی حقوق کی تنظیموں نے بھی ان شہداء کی جلد از جلد ان کے ورثاء کو حوالگی کا مطالبہ کیا ہے مگر صہیونی فوج کی جانب سے یہ مطالبہ مسترد کردیا گیا ہے۔
قبل ازیں تین ماہ کے دوران اسرائیلی فوج نے 60 سے زائد فلسطینی شہداء کے جسد خاکی قبضے میں لے رکھے تھے جن میں سے چالیس سے زاید شہداء کے جسد خاکی مختلف مراحل میں ان کے ورثاء کے حوالے کیے گئے۔
جن فلسطینی شہداء کے جسد خاکی ابھی تک ان کےورثاء کو نہیں دیے گئے ان کے نام ثابر ابو غزالہ، مصطفیٰ الخطیب ، بہاء علیان، علاء بو جمل، معتز عویسات، حسن مناصرہ، عمر اسکافی، عبدالمحسن حسونہ، احمد شعبان، مصعب الغزالی، محمد نمر، خلیل محمد شلالدہ، مہند الکوازبہ، علاء کوازبہ اور احمد کوازبی بتائے جاتےہیں۔
خیال رہے کہ فلسطین میں یکم اکتوبر دو ہزار پندرہ کے بعد سے جاری تحریک انتفاضہ میں اب تک ڈیڑھ سو فلسطینی شہید اور ہزاروں کی تعداد میں زخمی کیے جا چکے ہیں۔