فلسطینی حکومت نے ذرائع ابلاغ کے ایک حصے میں چھپنے والی ان خبروں کی سختی سے تردید کی ہے کہ بدنام زمانہ اسرائیلی خفیہ ‘موساد’ نے وزیراعظم اسماعیل ہنیہ کے دفتر میں نقب لگانے میں کامیابی حاصل کر لی ہے۔
کابینہ کے ایک بیان میں ایسی خبروں کی سختی سے تردید کرتے ہوئے کہا کہ وزیر اعظم کے دفتر میں جاسوسی کرنے کی کوئی بھی کوشش کامیاب نہیں ہوئی اور یہ ہی ایسا واقعہ سرے سے رونما ہوا۔ بیان کے مطابق متعلقہ اداروں کو ہدایت کر دی گئی ہے کہ ایسی بے بنیاد اور جھوٹی خبریں پھیلانے والوں کے خلاف قواعد و ضوابط کی روشنی میں انتظامی اور قانونی کارروائی کی جائے۔
فتح کے منحرف رہنما محمد دحلان کی سرپرستی میں چلنے والی ‘کوفیہ پریس’ ویب پورٹل نے خبر دی تھی کہ وزیر اعظم اسماعیل ہنیہ کے دفتر سے ایک شخص کو موساد کے ساتھ رابطے کے الزام میں گرفتار کیا گیا ہے۔
بشکریہ:مرکز اطلاعات فلسطین