دوما کے مقامی ذرائع نے مرکز اطلاعات فلسطین کے نامہ نگار کو بتایا کہ اسرائیلی فوج نے جمعرات کو سحری کے وقت دو بجے علاقے میں چھاپہ مار کارروائی کا آغاز کیا۔ الحارہ الشرقیہ میں متعدد گھروں پر دھاوا بولا گیا، ان میں سامح محمد علی وابشتہ اور عزالدین دوابشہ ایڈووکیٹ کے گھر بھی شامل تھے۔
ذرائع کے مطابق قابض فوجیوں نے گھروں کی تلاشی کے دوران سارے گھر کا سامان الٹ پلٹ دیا۔ فوجیوں نے پانی کے کنویں میں اینٹیں گرا دیں اور بعض دیواروں کو بھی نقصان پہنچایا۔ کارروائی کے دوران سپورٹس کلب کے چیئرمین فراس محمد علی دوابشہ کے دو ٹیلی فون سیٹ بھی اہلکار ہمراہ لے گئے۔ جاتے ہوئے کھیلوں کے کلب کے سربراہ کو پولیس ہمراہ لے گئی، ان کے بارے میں ابھی تک معلوم نہیں ہو سکا نہ وہ کہاں ہیں۔
مشرقی نابلس کی بیت فوریک میونسپلٹی میں ایک نوجوان اسرائیلی فوجیوں کی فائرنگ سے زخمی ہو گیا۔ یہ واقعہ اس وقت رونما ہوا جب ‘ایتمار’ یہودی بستی کے قریب فلسطینی شہریوں اور قابض فوجیوں کے درمیان جھڑپوں کا سلسلہ شروع ہوا۔
ادھر نابلس کی مغربی میونسپلٹی زواتا کے قریب بھی جھڑپوں میں متعدد فلسطینی زخمی ہو گئے۔