مرکز اطلاعات فلسطین کے نامہ نگار کے مطابق جنوبی نابلس میں اتوار کی شام یہودی شرپسندوں نے یتسھار کالونی کے مرکزی چوک فلسطینی شہریوں کی گاڑیوں پر حملے شروع کیے جس کے نتیجے میں رام اللہ ۔ نابلس شاہراہ پر ٹریفنگ گھنٹوں جام رہی۔ ادھر یہودی فوجیوں نے بھی نابلس میں گھر گھر تلاشی کا سلسلہ جاری رکھا۔ تلاشی کی کارروائیوں میں شہریوں کو زد کوب کیا جاتا رہا۔
ایک عینی شاہد نے بتایا کہ اتوار کی شام کو یہودی آباد کاروں کی ایک جتھے نے یتسھار کالونی کے مرکزی چوک کے قریب جنوبی قصبے حوارہ کا محاصرہ کرکے فلسطینیوں کی گاڑیوں کی توڑ پھوڑ شروع کردی۔ یہ سب کچھ صہیونی فوج اور پولیس کی موجودگی میں ہوا۔ یہودی فوجی اپنے طور پر فلسطینیوں کے گھروں کی تلاشی کا سلسلہ جاری رکھے ہوئے تھے۔
عینی شاہدین نے بتایاکہ یہودی شرپسندوں نے فلسطینیوں کی گاڑیوں پر سنگ باری کی اور ان پر ڈنڈوں سے حملے کیے جس کے نتیجے میں نہ صرف کئی گاڑیوں کے شیشے ٹوٹ گئے بلکہ گھنٹوں ٹریفک جام رہی۔
ادھر اسرائیلی فوجی ذرائع کے مطابق حوارہ میں فوج کی ایک گشتی پارٹی پر فائرنگ کی کی تھی جس کے بعد فوج کو فلسطینیوں کے گھروں میں گھس کر حملہ آوروں کو تلاش کرنا پڑا تاہم کسی شخص کی گرفتاری عمل میں نہیں جاسکی۔
بشکریہ:مرکزاطلاعات فلسطین