شمالی مغربی کنارے کے علاقے نابلس کے گائوں عوریف میں فلسطینی نوجوانوں اور اسرائیلی فوجیوں کے درمیان جھڑپوں کا سلسلہ شروع ہو گیا۔
صیہونی فوج پیر کی صبح گائوں پر حملہ آور ہو گئی اور فوجیوں پر پتھراو کرنے والے فلسطینی نوجوانوں پر گولیوں اور آنسو گیس کی بوچھاڑ کردی۔
مقامی ذرائع کے مطابق متعدد فلسطینی زخمی ہوگئے تھے جن میں سے کچھ کو ہسپتال لے جانا پڑا۔
یہودی آبادکاروں کے گروہوں نے اسرائیلی فوج کی زیر حفاظت عورف گائوں پر دھاوا بول دیا۔ یہ عمل اسرائیل کی مقبوضہ فلسطین کے رہائشیوں کو تنگ کرنے کی پالیسیوں کا حصہ ہے۔
عورف گائوں میں پچھلے ایک سال سے تقریبا روزانہ ہی اسرائیلی حملے اور دھاوے ہوتے ہیں جن کا مقصد قریبی اسرائیلی یہودی بستیوں کے لئے زمین ہتھیانا ہے۔
بشکریہ:مرکز اطلاعات فلسطین