ملائیشیا میں فلسطینی برادری اور دیگرانسانی حقوق کی تنظیموں کی جانب سے اسرائیلی جیلوں میں محروس فلسطینیوں کے ساتھ اظہار ہمدردی کے طور پر”نصرت اسیران” تحریک چلانے کا اعلان کیا ہے۔
نصرت اسیران مہم کے سلسلے میں ملائیشیا کے مختلف شہروں میں احتجاجی ریلیاں اور جلسے جلوس منعقد کیے جائیں گے جن میں فلسطینی اسیران کی صہیونی جیلروں کی جانب سے درپیش مشکلات کے بارے میں آگاہ کیا جائے گا۔
مرکزاطلاعات فلسطین کےمطابق ملائیشیا میں فلسطینیوں کی تنظیم "احرار العالم” کے ڈائریکٹر مسلم ابوعمرنے ایک بیان میں کہا ہے کہ ان کی تنظیم ملک میں وسیع پیمانے پرفلسطینیوں سے اظہار یکجہتی کے لیے ایک مہم لانچ کررہی ہے۔ مہم میں فلسطینی بھوک ہڑتالی اسیران کے مسائل کو خاص طورپر اجاگرکیا جائے گا۔
انہوں نے کہا کہ ملائیشیا میں انسانی حقوق کی تنظیموں اور سول سوسائٹی نے ان کی اعلان کردہ”آزادی کے لیے بھوک” کے عنوان سے مہم کی حمایت کرتے ہوئے اس میں بھرپورشرکت کی یقین دہانی کرائی ہے۔
مسلم ابوعمرکا کہنا تھا کہ انہوں نے اپنی مہم کی تشہیرکے لیے اخبارات اور ٹی وی چینلزسمیت ذرائع ابلاغ کے دیگر وسائل کا بھی استعمال کیا ہے۔ ان کے لیے یہ بات نہایت خوش ائند ہے کہ ذرائع ابلاغ ان کی اس مہم میں بڑھ چڑھ کر حصہ لے رہا ہے۔
انہوںنے ملائیشیا میں موجود عرب شہریوں اوردیگرمسلمانوں سے اپیل کہ وہ فلسطینی اسیران کے ساتھ اظہار ہمدردی کے طورپر شروع کی گئی اس مہم میں ان کا ساتھ دیں۔
بشکریہ: مرکز اطلاعات فلسطین