فلسطین نیوز کو موصول ہونے والی اطلاعات کے مطابق اتوار کے روز اسرائیلی پولیس نے سنہ 1948ء کے مقبوضہ شہر یافا میں شاہراہ البصرہ پر واقع فلسطینی شہریوں کے تین گھروں کو بلڈوزروں کی مدد سے مسمار کر دیا۔ اسرائیلی حکام کا دعویٰ ہے کہ یہ تینوں مکانات اسرائیل کے سرکاری ادارے’لینڈ اتھارٹی‘ کی ملکیت تھے۔
ایک مقامی نیوز ویب پورٹل ’’یافا 48‘‘ کے مطابق اسرائیلی پولیس نے نہ صرف تین مکانات مکمل طور پر مسمار کیے بلکہ ان تین گھروں کے پڑوس میں واقع ایک مکان کے دو کمرے اور ایک کا ایک کمرہ بھی غیرقانی قرار دے کر مسمار کر دیا۔
عینی شاہدین نے بتایا کہ اتوار کو علی الصباح یہودی فوجیوں ، پولیس اہلکاروں اور لینڈ اتھارٹی کے حکام نے شاہراہ البصرہ پر واقع فلسطینیوں کے گھروں کا محاصرہ کیا۔ شہریوں کو گھروں میں موجود سامان باہر نکالنے کا حکم دیا۔ سامان باہر نکالتے ہی اسرائیلی بلڈوزروں نے مکانات کی مسماری شروع کر دی۔
مقامی شہریوں نے یہودی فوجیوں اور پولیس کی انہدامی کارروائی کے خلاف سخت احتجاج کیا مگر قابض فوج کی طرف سے فلسطینی مظاہرین پر طاقت کا استعمال کرتے ہوئے ان کا مظاہرہ منتشر کردیا۔