اسرائیلی حکومت کی جانب فلسطینی علاقوں میں یہودی بستیوں کی تعمیر روکے جانے کے عالمی مطالبات کو مسلسل نظرانداز کیے جانے کا سلسلہ جاری ہے۔ صہیونی حکومت نے بیت المقدس اور مقبوضہ مغربی کنارے میں یہودیوں کے لیے مزید مکانات کی تعمیرات کی منظوری دے دی ہے۔
مرکزاطلاعات فلسطین کے مطابق اسرائیلی حکومت نے مقبوضہ بیت المقدس کے جنوب میں "نوف صہیون” یہودی کالونی میں مزید توسیع کا اعلان کرتے ہوئے وہاں پریہودیوں کے لیے 217 نئے رہائشی فلیٹس کی تعمیر کی منظوری دی ہے۔ چند ہی ہفتے قبل اسی کالونی میں انتہا پسند یہودیوں کے لیے 100 مکانات کی تعمیر کی منظوری دی تھی۔
ادھر مقبوضہ مغربی کنارے میں مقامی اتحاد برائے انسانی حقوق کی جانب سے جاری ایک بیان میں بتایا گیا ہے کہ صہیونی حکومت نے بیت صفافا کے مقام پریہودی آباد کاروں کے لیے مزید کئی نئے مکانات کی تعمیر کا اعلان کیا ہے۔ بیان میں بتایا گیا ہے کہ بیت صفافا میں جہاں انتہا پسند یہودیوں کے لیے مکانات تعمیر کیے جا رہے ہیں وہ جگہ عیسائی آرتھوڈوکس فرقے کی ملکیت سمجھی جاتی ہے۔
بیت صفافا میں یہویوں کے لیے مکانات کی تعمیرکےعلاوہ کئی ریستوران اور پارک بھی منصوبے کا حصہ ہیں۔ مغربی کنارے میں "دورا” اور "الظاھریہ” کےمقامات پربھی فلسطینیوں کی اراضی پرقبضے کے بعد اس پر یہودی آباد کاروں کے لیے مکانات کی تعمیرکے اعلانات کیے گئے ہیں۔
بشکریہ: مرکز اطلاعات فلسطین