فلسطینی علاقے مقبوضہ مغربی کنارے میں الفتح کی سلام فیاض کی سربراہی میں قائم غیر قانونی کرپٹ حکومت کی شہ خرچیوں کے باعث مقبوضہ شہروں میں مہنگائی اور بے روزگاری کا ایک نیا طوفان برپا ہو گیا ہے۔
مہنگائی کے اس قیامت خیز طوفان نے شہریوں کو سلام فیاض کی حکومت کے خلاف سڑکوں پر نکلنے پر مجبور کر دیا ہے۔
مرکزاطلاعات فلسطین کے مطابق مغربی کنارے میں لیبریونینز اور دیگر تنظیموں کی جانب سے سلام فیاض حکومت کےخلاف پیر کے روز کئی شہروں میں احتجاجی مظاہرے کیے گئے۔ ادھر جنین شہرمیں فلسطینی لیبریونین کے ایک مرکزی جلوس کے دوران سلام فیاض کی حکومت کو خبردار کیا گیا کہ وہ مہنگائی پر قابو پائے ورنہ وہ اگلے مرحلے میں فلسطین کے دیگر شہروں میں نہ صرف مظاہروں کی کال دیں گے بلکہ وزیراعظم سیکرٹیریٹ کا گھیراؤ کیا جائے گا۔
رام اللہ لیبر یونین کے ایک سینیر عہدیدار بائر سیعد بائر نے سوموار کے روز ایک اجلاس سے خطاب میں کہا کہ مہگائی کے بڑھتے طوفان نے فلسطینی شہریوں کا جینا دو بھر کر رکھا ہے۔ شہریوں کا رام اللہ انتظامیہ اور سلام فیاض کی غیرقانونی حکومت کےخلاف احتجاج دن بدن شدت اختیار کررہا ہے۔ سعید بائر کا کہنا تھا کہ شہریوں کے صبر کا پیمانہ لبریز ہوچکا ہے جو کسی بھی وقت رام اللہ اتھارٹی اور سلام فیاض کی حکومت کےخلاف آتش فشاں بن کر پھٹ پڑے گا۔
بشکریہ: مرکز اطلاعات فلسطین