فلسطین کے مقبوضہ مغربی کنارے کے جنوبی شہر بیت لحم میں منگل کے روز اسرائیلی فوج کا پھینکا گیا ایک ناکارہ بم پھٹنے سے ایک 12 سالہ بچہ شدید زخمی ہو گیا۔
خبر رساں ایجنسی "صفا” نے فلسطینی سیکیورٹی ذریعے کے حوالے سے اپنی رپورٹ میں اطلاع دی ہے کہ مشکوک بم پھٹنے کا واقعہ جنوب مشرقی بیت لحم میں پیش آیا۔ عینی شاہدین نے بتایا کہ 12 سالہ مالک ابو دیہ کو ایک ویران جگہ سے ایک چھوٹا بم ملا، اسے چھونے پر وہ پھٹ گیا جسکے نتیجے میں وہ بچہ شدید زخمی ہو گیا ہے۔ زخمی بچے کو اسپتال منتقل کر دیا گیا ہے جہاں اس کی حالت خطرے میں بیان کی جاتی ہے۔
خیال رہے کہ یہ علاقہ اسرائیلی فوج کے استعمال میں رہتا ہے جہاں آئے روز اسرائیلی فوج جنگی مشقیں کرتی رہتی ہے۔
بشکریہ:مرکزاطلاعات فلسطین