مغربی کنارے میں النجاح یونیورسٹی کے پروفیسر اور معروف دانشور ڈاکٹر عبدالستار قاسم پر نابلس میں ‘نامعلوم’ افراد نے حملہ کر دیا۔
ڈاکٹر قاسم نے مرکز اطلاعات فلسطین کے نامہ نگار کو بتایا متعدد نامعلوم افراد نے انہیں نابلس الصدر علاقے میں بری طرح زد وکوب کیا اور پھر پہچانے جانے کے ڈر کیوجہ سے موقع سے فرار ہو گئے۔
انہوں نے بتایا کہ وہ حملے کے وقت نابلس کے وسط میں الشھداء راونڈ اباوٹ پر حماس کے زیر اہتمام غزہ سے اظہار یکجہتی کی خاطر کئے جانے والے مارچ کی جگہ کے قریب تھے۔
انہوں نے بتایا کہ واقعہ کے بعد جب وہ القدس نیوز چینل سے بات کرنے والے تھے تو اسی اثنا متعدد سیکیورٹی اہلکار ان کے پاس آئے اور انہیں چینل سے بات کرنے سے روک دیا۔
یاد رہے عبدالستار قاسم کو دو ہفتے پہلے غرب اردن میں حماس کے حامیوں کے خلاف آپریشن کے دوران اسرائیلی فوج نے دس دن تک زیر حراست رکھا۔
بشکریہ:مرکزاطلاعات فلسطین