مقبوضہ بیت المقدس کی اسلامک سپریم کونسل نے حالیہ دنوں مسجد اقصی میں یہودی آباد کار تنظیموں کی جانب سے مسجد اقصی پر دھاوں کو شدید تنقید کا نشانہ بنایا ہے۔
بیس مئی کو القدس کے مشرقی حصے کو مغربی حضے میں ضم کرنے کی یاد میں ہزاروں آباد کاروں نے مسجد اقصی کی جانب ریلیاں نکالی تھی۔
اسلام سپریم کونسل کے بدھ کے روز جاری اپنے بیان میں القدس کی جانب سے یہودی آباد کاروں کی ریلیوں اور مسجد کے صحن میں داخل ہوکر تلمودی عبادات کی ادائیگی اور القدس میں رقص و سرور کی محفلیں جمانے کو قبلہ اول کی بے حرمتی اور ڈیڑھ ارب مسلمانوں کے جذبات کو ٹھیس پہنچانے کی کارروائی قرار دیا۔ بیان میں کہا گیا کہ مسلمانوں کی تیسری مقدس ترین مسجد ’’مسجد اقصی‘‘ کے اطراف پھیلے بابرکت شہر القدس پر اسرائیلی قبضے کو کبھی تسلیم نہیں کیا جائے گا۔ القدس کی گلیوں میں یہودی آباد کاروں کے ناچ اور بھنگڑوں کی جتنی بھی مذمت کی جائے کم ہے۔ کونسل نے کہا کہ مسجد اقصی پر مکمل حق فلسطینی قوم ہے۔ اس مسجد کے ذرہ بھر حصے سے بھی دستبردار نہیں ہوا جا سکتا۔ اپنے بیان میں اسلامک سپریم کونسل نے مسلمان نمازیوں سے اپیل کی کہ وہ زیادہ سے زیادہ مسجد اقصی کا رخ کریں اور اس کے صحن میں تعلیمی حلقے قائم کریں۔
بشکریہ: مرکز اطلاعات فلسطین