مسجد اقصیٰ کے سدنہ اور ایک محافظ کو قبلہ اول سے بے دخل کردیا گیا

اسرائیلی پولیس نے مسجد اقصیٰ کی دیکھ بحال اور کلید بردار سدنہ خاندان کے ایک فرد کو پندرہ دن کے لیے قبلہ اول میں داخلے سے منع کردیا گیا ہے جبکہ قبلہ اول کے ایک محافظ کو ایک ہفتے کے لیے اس کے گھر پرنظربند کیا ہے۔

’’قدسنا‘‘ مرکزاطلاعات نے اپنے ایک بیان میں بتایا کہ صہیونی فوج اور پولیس کی جانب سے حال ہی میں صہیونی پولیس نے مسجد اقصیٰ کے سادن 36 سال فادی عیسیٰ الرجبی کو پندرہ دن کے لیے مسجد اقصیٰ میں داخلے سے منع کردیا۔ الرجبی کی مسجد اقصیٰ سے بے دخلی کا یہ تیسراواقعہ ہے۔ اس سے قبل دو بارہ وہ پندرہ پندرہ دن مسجد اقصیٰ سے بے دخل کیے جاتےرہے ہیں۔

صہیونی پولیس کی جانب سے مسجد اقصیٰ میں داخلے سے روکے جانے پر عیسیٰ الرجبی نے نہایت مایوسی اور افسوس کا اظہار کیا ہے اور اسے صہیونی پولیس کا ایک ظالمانہ فیصلہ قرار دیا ہے۔ ان کا کہنا ہے کہ اس سے قبل اسرائیل کی جانب سے مسجد اقصیٰ کے نمازیوں کی بے دخلی کا سلسلہ جاری رہا ہے اور اس غیرقانونی اور ظالمانہ طرز عمل کی لپیٹ میں سدنہ اور محافظین کو بھی شامل کرلیا گیا ہے۔
ادھر پچھلے منگل کو صہیونی پولیس نے 28 سالہ مہدی امین العباسی کو بھی مسجد اقصیٰ میں داخلے سے روک دیا گیا تھا۔ العباسی کو نہ صرف مسجد اقصیٰ سے نکال دیا گیا بلکہ اسے ایک ہفتے کے لیے گھر پرنظربند کردیا گیا ہے۔

بشکریہ:مرکزاطلاعات فلسطین