اسرائیلی فوج کے مقبوضہ مغربی کنارے کے جنوبی شہر الخلیل میں تاریخی جامع مسجد ابراہیمی میں آنے والے نمازیوں کی نگرانی کے لیے ایک مانیٹرنگ کنٹرول روم قائم کیا ہے۔
مرکز اطلاعات فلسطین کے مطابق مقامی سماجی کمیٹی "تعمیر الخلیل” کی جانب سے جاری ایک بیان میں بتایا گیا ہے کہ صہیونی فوج کی بڑی تعداد مسجد ابراہیمی کے مرکزی داخلی اور خارجی راستوں پر موجود ہے۔ صہیونی فوج نے فلسطینی نمازیوں پر نظر رکھنے کے لیے ایک کنٹرول روم بھی قائم کر رکھا ہے۔ جس کے ذریعے وہ دن رات مسجد کی مسلسل نگرانی جاری رکھے ہوئے ہیں۔
بیان میں کہا گیا ہے کہ اسرائیلی فوج کی موجودگی اور کنٹرول روم کے قیام سے فلسطینی شہریوں کی مسجد میں آمد ورفت میں خلل پڑ رہا ہے۔
ادھر اسرائیلی فوج کے ایک عہدیدار نے الخلیل شہر کے محکمہ اوقاف و مذہبی امور کو بتایا ہے کہ فوج مسجد ابراہیمی کے مرکزی داخلی دروازے کے راستے پر سیمنٹ کے بھاری بلاک رکھ کر اسے بند کرنے کا ارادہ رکھتی ہے۔
بشکریہ:مرکزاطلاعات فلسطین