مقبوضہ بیت المقدس (فلسطین نیوز۔مرکز اطلاعات) فلسطین میں قابض صیہونی آباد کار آئے روز مذہبیÂ مواقع اور تہواروں کی آڑ میں حرم قدسی اور مسجد اقصیٰ کا تقدس پامال کرتےہیں۔ گذشتہ روز بھی صیہونی تنظیموں اور ہیکل سلیمانی کے پرچارک گروپوں نے ’عید عرش‘ نامی تہوار کی آڑ میں آج اتوار سے صیہونیوں کو قبلہ اوّل پر دھاوؤں کی اپیل کی ہے۔
فلسطین نیوز کو موصول ہونے والی اطلاعات کے مطابق تنظیماتÂ ہیکل کی طرف سے جاری کردہ ایک بیان میں صیہونی آباد کاروں سے کہا گیا ہے کہ وہ آئندہ ایک ہفتے کے دوران قبلہ اوّل میں داخل ہو کراجتماعی عبادات اور ’عید عرش‘ کی عبادات میں حصہ لیں۔یہ بیان ایک اشتہار کی شکل میں سوشل میڈیا اور پرنٹ میڈیا پر پوسٹ کیا گیا ہے۔ بیان میں کہا گیا ہے کہ صیہونی آباد کار آج اتوار سے آئندہ ایک ہفتے تک حرم قدسی میں موجود رہیں اور مذہبی رسومات ادا کریں۔