اسرائیل کے ایک کثیرالاشاعت عبرانی اخبار نے دعویٰ کیا ہے کہ صہیونی وزیراعظم بنجمن نیتن یاھو کے خصوصی ایلچی برائے فلسطینی امور جلد رام اللہ کا دورہ کرنے کی تیاری کر رہے ہیں۔
خصوصی مندوب یتزحاق مولخو فلسطینی صدر محمود عباس کی خواہش پر ممکنہ طور پر آئندہ ہفتے رام اللہ میں فلسطینی اتھارٹی کے حکام سے بات چیت کریں گے۔ رپورٹ کے مطابق اسرائیلی وزیراعظم بنجمن نیتن یاھو اور ان کے مشیروں نے فلسطینی صدر محمودعباس کے گذشتہ ماہ بھیجے گئے اس خط کا جواب تیار کر چکے ہیں، اس خط میں جو سلام فیاض کے ذریعے نیتن یاھو تک پہنچایا گیا تھا فلسطینی صدر محمود عباس نے دو طرفہ مذاکرات کی بحالی کی تجویز دی تھی۔ اس سلسلے میں اسرائیلی وزیراعظم نیتن یاھو نےبھی مذاکرات کی شرائط طے کرنے کے بعد جوابی خط تیار کر لیا ہے جسے دے کر جلد فلسطینی صدر محمود عباس کے باس آنے کے لیے مذاکرات کار یتزحاق مولخو کو تیار کیا جا رہا ہے۔ اخبار نے ذرائع کے حوالے سے لکھا ہے کہ نیتن یاھو کے مشیرخاص آئندہ ہفتے رام اللہ میں صدر محمود عباس سے ون آن ون ملاقات کریں گے۔ اس ملاقات میں وہ وزیراعظم نیتن یاھو کا وہ خط بھی صدر ابو مازن کو دیں گے۔
رہے کہ گذشتہ ماہ فلسطینی صدر محمود عباس نے ایک مراسلہ اسرائیلی وزیراعظم بنجمن نیتن یاھو کے لیے اپنے وزیراعظم سلام فیاض کے ہاتھ بھیجا تھا۔ اس مراسلے میں صدر عباس نے کہا تھا کہ رام اللہ اتھارٹی اسرائیل کے ساتھ پیشگی شرائط کے بغیر امن مذاکرات دوبارہ شروع کرنے کے لیے تیار ہے۔
بشکریہ: مرکز اطلاعات فلسطین