مرکزاطلاعات فلسطین کے مطابق مظاہرے کا اہتمام برطانیہ میں مقیم فلسطینی تارکین وطن اور سماجی و انسانی حقوق کی تنظیموں کی جانب سے کیا جارہا ہے تاہم مظاہرے کی اپیلیں "یورپ۔ فلسطین تعلقات کونسل” اور کلب برائے فلسطینی حقوق کی جانب سے کیا گیا ہے۔
یورپ فلسطین تعلقات کونسل کے ڈائریکٹر عرفات ماضی نے سوموار کو اپنے ایک بیان میں بتایا کہ انہوں نے پندرہ جنوری بروز بدھ برطانوی وزیراعظم کے دفتر کے باہر یرموک کیمپ کے محصورین کے ساتھ اظہار یکجہتی کے لیے ایک دھرنے کی اپیل کی ہے۔ ہم تمام فلسطینی تارکین وطن اور انسانی حقوق کے لیے کام کرنے والے کارکنان سے اپیل کرتے ہیں کہ وہ احتجاجی ریلی میں شرکت کو یقینی بنائیں اور یرموک کیمپ کے محاصرے کے فوری خاتمے کے لیے آواز اٹھائیں۔
خیال رہے کہ یرموک کیمپ میں ہزاروں فلسطینی پناہ گزین موجود ہیں۔ شام میں جاری خانہ جنگی کےنتیجے میں یہ کیمپ بھی بری طرح متاثر ہوا ہے۔ شام کی سرکاری فوج نے پچھلے کئی ماہ سے اس کیمپ کا محاصرہ کر رکھا ہے، جس کے نیتجے میں کیمپ میں ہزاروں خواتین اور بچے بھوک اور سردی سے شہید ہو رہے ہیں۔ اقوام متحدہ نے خبردار کیا ہے کہ یرموک کیمپ کا محاصرہ فوری ختم نہ کیا گیا کیمپ میں انسانی المیہ رو نما ہوسکتا ہے۔