فلسطین کے مقبوضہ مغربی کنارے کے مختلف شہروں میں اسرائیلی ریاست کے جبرو تشدد کے باوجود فلسطینی عوام ماہ صیام کو روایتی ملی اور مذہبی جذبے کے ساتھ منا رہے ہیں۔ مغربی کنارے کے شمالی شہر نابلس کے بازار اپنی رونق اور خوبصورتی کے ساتھ ایک بار پھر عوام الناس کی توجہ کا خاص مرکز ہیں۔ ایسے لگ رہا ہے کہ بازاروں کی گئی گذری رونق ایک بارپھر لوٹنے لگی ہے۔
مرکزاطلاعات فلسطین کے مطابق نابلس کےبازاروں کو بھی ماہ صیام کی مناسبت سے سجایا گیا ہے۔ مشروبات، انواع واقسام کے پھلوں کی خوشبو اور اچار جیسی دیسی مصنوعات گاہکوں کو اپنی طرف کھینچ رہی ہیں۔ کئی بڑی عمرکے شہری جو کسی دور میں نابلس کےبازاروں کی رونق اور وہا٘ں میلے جیسے سماں کودیکھ چکے ہیں ایک بارپھر ان کے ذہن میں بھولی بسری یادیں اور تاریخ لوٹنے لگی ہے۔
مرکزاطلاعات فلسطین نے نابلس کے ماہ صیام کی مناسبت سے جائے گئے بازاروں کی چند جھلکیاں اپنے قارئین کے لیے بھی پیش کی ہیں جنہیں تصاویر کی شکل میں پیش کیا جا رہا ہے۔ مقامی شہریوں کا کہنا ہے کہ نابلس کے بازاروں کی رونق گاہکوں کی وجہ سے ہے اور نہ صرف مغربی کنارے بلکہ بیت المقدس اور سنہ 1948 ء کے مقبوضہ فلسطینی شہروں سے بھی شہری شاپنگ کرنے یہاں آتےہیں۔
بشکریہ:مرکزاطلاعات فلسطین