مرکزاطلاعت فلسطین کے مطابق انسانی حقوق کی تنظیم’’مرکز احرار‘‘ کے ڈائریکٹر فواد الخفش نے بتایا کہ گذشتہ روز صہیونی فوج کی خصوصی یونٹ کے اہلکاروں نے ’’مجد‘‘ جیل کے وارڈ نمبر ایک میں چھاپہ مارا اور قیدیوں کو کمروں سے نکال کر انہیں وحشیانہ تشدد کا نشانہ بنایا۔
قیدیوں سے سرعام توہین آمیز سلوک کے خلاف جیل میں موجود تمام قیدیوں نے سخت احتجاج کیا ہے۔ الخفش نے بتایا کہ صہیونی فوجیوں کی’’مسٹاڈا‘‘ یونٹ کے کئی اہلکاروں نے جیل کے وارڈ نمبر ایک میں زیرحراست حماس کے کارکنوں پر تشدد کیا۔
انہوں نے کہا کہ صہیونی فوجیوں کی جانب سے فلسطینی اسیران پر سخت قسم کی پابندیاں عاید کی گئی ہیں۔ قیدیوں کو جیل کی کینٹین کےاستعمال سے بھی روک دیا گیا ہے۔
انسانی حقوق کی تنظیم نے صہیونی فوجیوں کی جانب سے قیدیوں پر ہولناک تشدد کی شدید الفاظ میں مذمت کرتے ہوئے عالمی اداروں سے صہیونی سفاکیت کا سخت نوٹس لینے کا مطالبہ کیا ہے۔
بشکریہ:مرکزاطلاعات فلسطین