فلسطینی مجلس قانون ساز کے رکن شیخ حامد البیتاوی نے فلسطین کے تمام علاقوں میں صہیونی عقوبت خانوں میں انتظامی حراست میں رکھی گئی فلسطینی اسیرہ ھناء الشلبی کے ساتھ اظہار یک جہتی کرتے ہوئے احتجاجی مظاہرے اور تقریبات منعقد کرنے کی اپیل کی ہے۔
تبادلہ اسیران معاہدے میں رہائی پاکر دوبارہ گرفتار کر لی جانے والی الشلبی نے گزشتہ چودہ روز سے بھوک ہڑتال کر رکھی ہے۔
فلسطینی رہنما نے بتایا کہ الشلبی کی صحت شدید خراب ہو چکی ہے جس کے بعد زیادہ دیر صبر جاری نہیں رکھا جا سکتا۔ ان کا کہنا تھا کہ شلببی کی رہائی کے لیے اسرائیل پر بھرپور دباؤ ڈالنا انتہائی ضروری ہے جس کے لیے فلسطین کے تمام علاقوں میں احتجاجی مظاہرے کرنا ہونگے۔
نابلس سے منتخب ہونے والے رکن پارلیمان نے اس موقع پرقومی اور عالمی انسانی حقوق کی تمام تنظیموں سے اسرائیل کی جانب سے فلسطینی اسیرہ کی بلاوجہ انتظامی حراست ختم کروانے کے لیے مداخلت کی اپیل بھی کی۔
بشکریہ: مرکز اطلاعات فلسطین