رپورٹ کے مطابق تینوں شہداء کے جسد خاکی جمعہ کی شام کو نابلس کے مشرق میں قائم سالم چیک پوسٹ سے شہداء کے لواحقین کے حوالے کیےگئے۔
مقامی فلسطینی ذرائع نے بتایا کہ جنین شہر میں شہداء کے جسد خاکی پہنچائے جانے سے قبل ہی شہداء کے گھروں میں شہریوں کا جم غفیر جمع ہوگیا تھا۔ پہلے مرحلے میں شہداء کے جسد خاکی جنین میں فلسطین کے سرکاری اسپتال لائے گئے جہاں ان کا طبی معائنہ اور پوسٹ مارٹم کرنے کے بعد ان کے ورثاء کو سپرد کردیے گئے۔ تینون شہداء کو آج ہفتےکے روز قباطیہ میں سپرد خاک کیا جائے گا۔
خیال رہے کہ گذشتہ منگل کو فلسطین کے بیت المقدس شہر میں باب العامود کے مقام پر صہیونی فوجیوں کی فائرنگ سے تین فلسطینی 21 سالہ احمد ناجح ابو الرب، 20 سالہ محمد احمد کمیل اور 22 سالہ احمد راجح زکارنہ جام شہادت نوش کرگئے تھے۔ شہادت سے قبل انہوں نے اسرائیلی بارڈر فورسز پر فدائی حملے کیے تھے۔ چاقو اور فائرنگ کے حملوں ایک خاتون اسرائیلی فوجی ہلاک اور تین دوسرے زخمی ہوگئے تھے۔