(روز نامہ قدس ۔آنلائن خبر رساں ادارہ )قابض اسرائیلی فوج کی جانب سے چھاپہ مار کارروائیوں کا سلسلہ جاری،اتوار کے روز مغربی کنارے کے مختلف علاقوں پر دھاوا بول دیا،مختلف کاررائیوں میں 10 فلسطینی شہری گرفتار کرلیے۔
تفصیلات کے مطابق قابض اسرائیلی فوج کی جانب سے فلسطینی شہریوں کو حراست میں لیے جانے کا سلسلہ جاری ہے۔گزشتہ روز اتوار کو مغربی کنارے کے مختلف علاقوں میں گھر گھر کارروائی کے دوران 10 فلسطین شہریوں کا حراست میں لے کر نامعلوم حراستی مرکز منتقل کردیا۔
ابراہیم ایش نامی فلسطینی کو بیت لحم کےعلاقے سے حراست میں لیا گیا جب کہ حسن المصری نامی ایک طالب علم کو نابلس شہر سے گرفتار کیا گیا۔ذرائع کے مطابق ابراہیم اس سے پہلے بھی اسرائیلی فوج کی حراست میں رہ چکے ہیں۔
دوسر ی طرف مغربی کنارے کے مختلف علاقوں میں گھر گھر تلاشی کے دوران سات فلسطینیوں کو گرفتار کیا گیا جن کی تاحال شناخت نہیں ہوسکی۔