قابض اسرائیلی فوج نے مقبوضہ بیت المقدس نے راس العامود کے علاقے میں سلوان انٹرمیڈیٹ سکول برائے طلبہ پر حملے کی کوشش کی۔
سکول کی والدین کونسل کے سیکرٹری عصام العباسی نے ایک بیان میں کہا کہ سکول کی انتظامیہ نے سکول کے میدان میں بڑی تعداد میں موجود فوجیوں کو سکول کی عمارت میں آنے سے روک دیا۔ انہوں نے بتایا کہ سکول میں ساتویں سے لے کر نویں جماعت تک کے 1000 طلبہ زیر تعلیم ہیں۔
انہوں نے انسانی حقوق کی تنظیموں سے مطالبہ کیا کہ وہ اس معاملے میں مداخلت کریں اور اسکولوں کو بار بار فوجیوں کے حملوں سے بچائیں۔
مسٹر عباسی نے بتایا کہ خفیہ پولیس اور فوجی روزانہ اسکول آ کر طلبہ کو ہراساں کرتے ہیں۔ گزشتہ برس ایک استاد کو اپنے طالبعلم کو حراست سے بچانے کے جرم میں گرفتار کر لیا گیا تھا۔
بشکریہ:مرکز اطلاعات فلسطین