(روزنامہ قدس ۔آنلائن خبر رساں ادارہ ) مقبوضہ فلسطین کی تاریخ میں پہلی مرتبہ بیت المقدس کے شمالی علاقے جنین کے گاوں جديدة میں خاتون کونسلر منتخب ہوگئیں.
تفصیلات کے مطابق 2017 میں کونسل ممبرمنتخب ہونے والی 50 سالہ جنین کی رہائشی کفایا زقزوق کومقبوضہ بیت المقدس کے شمالی علاقے جنین کے گاوں جديدة میں کونسل انتخابات میں بطور کونسل سربراہ منتخب کرلیا گیا ہے۔
غیرملکی خبر رساں ادارے سے بات کرتے ہوئے کفایا قزوق کا کہنا تھا کہ یہ میرے لئے اعزاز کی بات ہے کہ جنین کے رہائیشوں نے مجھ پر اعتماد کیا اور ایک بہت بڑی ذمہ دارے کیلئے میرا انتخاب کیا، میں کوشش کروں گی کہ رہائشیوں کی امیدوں پر پورا اترسکوں اور اس قصبے کی تعمیر و ترقی کیلئے اپنا کردار ادا کرسکوں
انکا کہنا تھا کہ عام طورپر معاشرے کو مردوں کا معاشرہ کہا جاتا ہے لیکن مجھ پر لوگوں کے اعتماد نے اس تاثر کی نفی کی ہے اور مردوں کے معاشرے میں عورت کوکونسل کا سربراہ منتخب کیا ہے
انھوں نے مزید کہا کہ کونسل کی سربراہ کے طور پر دنیا کو یہ پیغام ہے کہ فلسطین کی خواتین کسی بھی شعبے میں کسی سے کم نہیں وہ گھریلو ذمہ داریوں کے ساتھ ساتھ دیگر شعبوں میں بھی نمایا کردار ادا کرنے کی صلاحیت رکھتی ہیں۔