فلسطین الیکٹرانک میڈیا کی عالمی فیڈریشن کا صدر منتخب ہو گیا ہے۔ یہ اعزاز حال ہی میں اس وقت ملا جب فیڈریشن کی جانب سے فلسطین کو تنظیم کے پلیٹ فارم سے اپنی سرگرمیاں
شروع کرنے اور مسئلہ فلسطین کو اجاگر کرنے کے لیے دی گئی ایک درخواست منظور کی۔
مرکز اطلاعات فلسطین کے مطابق فلسطینی صحافی اور عالمی فیڈریشن کے چیف نو منتخب چیف ایگزیکٹو فتحی ناطور نے عمان میں میڈیا سے گفتگو کرتے ہوئے کہا کہ فیڈریشن میں امریکا، اردن،فلسطین، سویڈن، جرمنی، بیلجیم، برطانیہ اور اسپین کے علاوہ کئی دیگرعرب اور یورپی ملکوں کے صحافی شامل ہیں۔ تنظیم کا سرکاری دفتر امریکی ریاست اوہایو میں جب مرکزی ہیڈکواٹر بیلیجیم کے شہر برسلزمیں ہو گا۔ اس کے علاوہ اس کا علاقائی دفتر عمان میں بنایا جائے گا۔
ایک سوال کےجواب میں فتحی ناطور کا کہنا تھا کہ فلسطین کی جانب سے عالمی فیڈریشن میں رکنیت اور اس کی سربراہی کی اجازت کے لیے چار سال قبل درخواست دی گئی تھی لیکن درخواست بعض وجوہات کی بنا پر منظور نہیں ہو سکی۔ ایسا پہلی مرتبہ ہوا ہے کہ اس فیڈریشن میں فلسطین کو نہ صرف رکنیت ملی ہے بلکہ فلسطین کو تنظیم کا چیف ایگزیکٹو منتخب کیا گیا ہے۔
ایک دوسرے سوال کے جواب میں انہوں نے کہا کہ الیکٹرانک میڈیا کی فیڈریشن ایک بین الاقوامی تنظیم ہے۔ تنظیم کے ممبران کئی براعظموں میں پھیلے ہوئے ہیں تاہم وہ پہلی فرصت میں امریکا، یورپ، ایشیا اور عرب خطے کے میں اپنا نیٹ ورک مزید وسیع کریں گے۔اس سلسلے میں مختلف ماہرین اور صحافیوں پر مشتمل مشاورتی کمیٹیاں بھی تشکیل دی جا رہی ہیں۔
تنظیم کے مقاصد پر روشنی ڈالتے ہوئے انہوں نے بتایا کہ عالمی الیکٹرانک فیڈریشن کا مقصد ایک دوسرے کی رائے کا احترام یقینی بناتے ہوئے حق اور سچ کی آواز کو دنیا تک پہنچانا ہے۔ ہم دنیا کو ایک برادری کا حصہ دیکھنا چاہتے ہیں۔ ہمارے مخاطب سب ایک جیسے ہیں۔
بشکریہ: مرکز اطلاعات فلسطین