رپورٹ کے مطابق جمعرات کی شام نابلس شہر میں جبل عیبال کے مقام پر فوجی چوکی نمبر 17 پر ایک فلسطینی نوجوان نے صہیونی فوجی افسر کو چاقو گھونپ دیا جس کے نتیجے میں وہ شدید زخمی ہوا ہے۔ موقع پر موجود دوسرے فوجیوں نے حملہ آور پر گولیوں کی بوچھاڑ کردی جس کے نتیجے میں وہ موقع پر ہی دم توڑ گیا۔
رپورٹ کے مطابق فلسطینی حملہ آور نے صہیونی فوجی افسر پر چاقو کے ایک سے زائد وار کیے جس کے نتیجے میں وہ شدید زخمی ہوگیا۔
فلسطینی وزارت صحت نے ایک فلسطینی نوجوان کی صہیونی فوج کی فائرنگ سے شہادت کی تصدیق کی ہے اور بتایا ہے کہ صہیونی فوج کی فائرنگ سے شہید ہونے والے نوجوان کی شناخت ھیثم محمودبراہمہ یاسین بتائی جاتی ہے جس کا رہائشی تعلق شمالی قصبے عصیرہ سے بتایا جاتا ہے۔
عینی شاہدین کا کہنا ہے کہ صہیونی فوجیوں نے فسطینی نوجوان کے جسم میں 14 گولیاں اتار دیں جس کے نتیجے میں وہ موقع پر ہی شہید ہوگیا۔ صہیونی فوجیوں نے شہید فلسطینی نوجوان کا جسد خاکی قبضے میں لے کرنامعلوم مقام پر منتقل کردیا ہے۔