نابلس (فلسطین نیوز۔مرکز اطلاعات) انسانی اقدار سے بے نیاز درندہ صفت اسرائیلی فوجیوں کے ہاتھوں نہتے فلسطینیوں کے قتل عام کے واقعات کوئی ڈھکی چھپی بات نہیں۔ آئے روز اسرائیلی فوج کی فلسطینیوں کے خلاف درندگی کے واقعات سامنے آتے رہتے ہیں۔
فلسطین نیوز کو موصول ہونے والی اطلاعات کے مطابق ایک ایسی ہی فوٹیج سوشل میڈیا پر وائرل ہے جس میں اسرائیلی فوجیوں کی طرف سے نہتے فلسطینی مظاہرین کو گولیاں مار اس پر خوشی کا اظہار کرتے ہوئے دیکھا جاسکتا ہے۔یہ واقعہ حال ہی میں غرب اردن کے شمالی شہر نابلس میں پیش آیا جہاں اسرائیلی فوج کے خلاف پُرامن فلسطینی احتجاجی مظاہرہ کررہے تھے۔ اس موقع پر تعینات اسرائیلی فوجیوں نے فلسطینی مظاہرین کو نشانہ بنا کر گولیاں مارنا شروع کیں۔ ایک فلسطینی کو نشانہ بنانے کے لیے تین فوجیوں کو آپس میں مشورہ کرتے دیکھا جاسکتا ہے۔ بعد ازاں ایک فوجی دہشت گرد فلسطینی شہری کو گولی مارتا ہے اور گولی نشانے پر لگنے پر خوشی سے بھنگڑا ڈالتا ہے۔
رپورٹ کے مطابق یہہ واقعہ 13 اپریل کو نابلس کے نواحی علاقے مادما میں پیش آیا تھا۔ یہ فوٹیج اسرائیل میں کام کرنے والی انسانی حقوق کی تنظیم ’بتسلیم‘ نے جاری کی ہے جس میں اسرائیلی فوج کی فلسطینیوں کو گولیاں مارکرخوشی کے اظہار کی عکاسی ہوتی ہے۔