اسرائیلی پولیس نے دعویٰ کیا ہے کہ ہفتے کے روز ایک فلسطینی شہری نے مقبوضہ بیت المقدس کی شاہراہ "الانبیاء” پرایک یہودی آباد کار کی گردن پرخنجر سے حملہ کرکے فرار ہوگیا۔
خنجر کے حملے میں یہودی آباد کار کو درمیانے درجے کے زخم آئے ہیں، جسے علاج کے لیے فوری طور پر ایک مقامی اسپتال میں منتقل کردیا گیا ہے، جہاں اس کی حالت خطرے سے باہر بتائی جاتی ہے۔
مرکز اطلاعات فلسطین کے مطابق اسرائیلی پولیس کا کہنا ہے کہ یہودی آباد کار پر خنجر سے حملہ کرنےوالا ایک فلسطینی تھا جو خنجر گھونپنے کے بعد فرار میں کامیاب ہوگیا۔ پولیس نے اس کی تلاش شروع کردی ہے تاہم اصل ملزم کی گرفتاری عمل میں نہیں لائی جاسکی۔ پولیس نے تفتیش کے لیے دوسرےکئی فلسطینی نوجوانوں کو دھرلیا ہے۔
اسرائیلی پولیس کی خاتون ترجمان نے بتایا کہ امدادی ٹیموں نے زخمی یہودی کو جائے وقوعہ پر مرہم پٹی کردی تھی جسے بعد ازاں ایمبولینس میں ڈال کر اسپتال لے جایا گیا ہے۔ پولیس نے واقعے کی بڑے پیمانے پر تحقیقات شروع کردی ہیں۔
بشکریہ:مرکزاطلاعات فلسطین