حمدان نے خبررساں ایجنسی قدس پریس کو جاری کئے گئے ایک بیان میں بتایا ہے کہ ان کی تحریک کو تینوں گمشدہ یہودی آبادکاروں سے متعلق کوئی معلومات حاصل نہیں تھیں۔
حمدان کا کہنا تھا کہ،” تحریک حماس کے پاس تین یہودی آبادکاروں کے اغوا کے حوالے سے کوئی معلومات نہیں ہیں اور اس حوالے سے جو بھی باتیں سامنے آئی ہیں وہ اسرائیل کا نقطہ نظر ہے۔” حماس رہنما کا کہنا تھا کہ اسرائیل کی جانب سے یہودی آبادکاروں کے ساتھ ہونے والے واقعہ کا غصہ غزہ پر اتارنا مناسب نہیں ہے۔
انہوں نے بتایا کہ،” تینوں یہودی آبادکار بین الاقوامی قانون کے مطابق ایک قابض فوج کے دستوں میں شامل ہیں اور ان سے متعلق کسی کو کوئی اطلاع نہیں ہے کہ وہ کیسے اپنے انجام کو پہنچے ہیں تو اس حوالے سے اسرائیل کی فلسطینی عوام کے خلاف کارروائیوں کا کوئی جواز نہیں بنتا ہے۔”
انہوں نے اسرائیل کے ان مظالم کو روکنے کے لئے مطالبہ کیا کہ بین الاقوامی برادری فوری طور پر مداخلت کرے اور اسرائیل کو ان غیر قانونی اور ناانصافی پر مبنی کارروائیوں سے روکے۔