احتجاجی مظاہرہ
کراچی( )اسرائیل کی نابودی نا گزیر ہے،فلسطینی عوام پر غاصب صیہونی ریاست اسرائیل کے ۶۴ سالہ مظالم اور عالمی برادری کی مجرمانہ خاموشی بھرپور مذمت کرتے ہیں،
فلسطین صرف فلسطینیوں کا ہے اور فلسطین کی آزادی اور اسرائیل کی نابودی تک جنگ جاری رہے گی۔ان خیالات کا اظہار فلسطین فاؤنڈیشن پاکستان کے مرکزی ترجمان صابر کربلائی،پیپلز اسٹوڈنٹس فیڈریشن کے صدر فیصل شیخ،اسلامی جمعیت طلبا کے رہنما حافظ محمد بلال،انجمن طلبہ اسلام کے ناطم عبد الباسط،پختون اسٹوڈنٹس فیڈریشن کے مرکزی رہنما بختاور شاہ،انصاف اسٹوڈنٹس فیڈریشن کے صوبائی صدر عالمگیر خان،فلسطینی طلباء کی تنظیم کے صدر فدل محمد اور دیگر نے۱۵ مئی ’’یوم نکبہ‘‘ کے عنوان سے منعقدہ مشترکہ احتجاجی مظاہرے سے خطاب کرتے ہوئے کیا۔
احتجاجی مظاہرے سے خطاب کرتے ہوئے فلسطین فاؤنڈیشن پاکستان اور طلباء تنظیموں کے رہنماؤں کاکہنا تھا کہ ایسا کیسے ممکن ہو سکتا ہے کہ کسی کو اس کے گھر سے نکا ل دیا جائے یا گھر سے دور کردیا جائے اور پھر یہ کہا جائے کہ اب اس کا اپنی سرزمین اور اپنے گھر سے کوئی تعلق نہیں،ان کاکہنا تھا کہ فلسطین کے مظلوم عوام کو سنہ ۱۹۴۸ میں غاصب صیہونی ریاست اسرائیل نے نہ صرف اپنے گھروں سے دور کیا بلکہ ان کے جان ومال کو غصب کر لیا جسے واپس لینا فلسطینی عوام کا حق ہے ۔
رہنماؤں کا کہنا تھا کہ غاصب صیہونی ریاست اسرائیل کے قیام میں یورپی ممالک اور بوڑھا ستعمار برطانوی سامراج اور عالمی استعمار امریکہ برابر کے جرم میں شریک ہیں ،ان کاکہنا تھا کہ آج فلسطین کے عوا م کو اپنے ہی گھروں سے بے دخل ہوئے ۶۴ سال گذر چکے ہیں لیکن عالمی برادری کی مجرمانہ خاموشی اور یورپی ممالک کی غاصب صیہونی ریاست اسرائیل کی بے جا پشت پناہی نے فلسطینیو ں کے حقوق کو واپس لینے کے راستے میں رکاوٹ قائم کر رکھی ہے ۔ رہنماؤں کاکہنا تھا کہ فلسطین کے مظلوم عوام کے ساتھ اظہار یکجہتی کرنے کو آج جرم قرار دیا جاتاہے جبکہ غاصب صیہونی ریاست اسرائیل کی جانب سے مظلوم اور نہتے عوام کا خون بہانا جائز قرار دیا جا رہا ہے انہوں نے مزید کہا کہ دنیا دوہرے معیارات کو ترک کر دے اور ظالم کو ظالم اور مظلوم کو مظلوم کہنا سیکھے۔
رہنماؤں کاکہنا تھا کہ پاکستان میں ہونے والی دہشت گردانہ کاروائیوں میں عالمی استعمار امریکہ اور اس کی ناجائز اولاد اسرائیل ملوث ہیں ،ان کاکہنا تھا کہ پاکستان کے سیاسی،معاشی،سماجی،اخلاقی اور ہر طرح کے مسائل کا ذمہ دار امریکہ اور اسرائیل ہیں لہذٰا آج کے دور میں فلسطین کا دفاع در اصل پاکستان کا دفاع ہے ،ان کاکہنا تھا کہ آج پاکستان میں اسرائیلی جاسوس دندناتے پھرتے ہیں اور پاکستان کا خفیہ طریقوں سے سفر کرتے ہیں جس سے ثابت ہوتا ہے کہ پاکستان کو عدم استحکام کا شکار کرنے کے لئے سازشیں اسرائیل میں بنائی جا رہی ہیں تاہم ضرورت اس امر کی ہے کہ پوری قوم متحد ہو کر امریکی واسرائیلی عزائم کے خلاف سینہ سپر ہو جائے ،اس موقع پر طلباء نے مردہ باد امریکہ،اسرائیل نا منظور اور پاکستان فلسطین یکجہتی زندہ باد کے نعرے لگاتے ہوئے امریکی،برطانوی او ر اسرائیلی پرچم بھی نذر آتش کئے