مرکزاطلاعات فلسطین کے مطابق علامہ صبری کی جانب سے جاری ایک بیان میں کہا گیا ہے کہ یوم میلاد رسول صلی اللہ علیہ وسلم مقام معراج پر حاضری اور اللہ کے آخری رسول کے ساتھ اپنی محبت وعقیدت کے اظہارکا بہترین موقع ہے۔ پوری فلسطینی قوم کو میلاد رسول کے موقع پرمسجد اقصیٰ میں حاضر ہو کر امت محمدیہ ہونے کا ثبوت دینا چاہیے۔
انہوں نے کہا کہ یوم میلاد رسول صلی اللہ علیہ وسلم کے حوالے سے بارہ ربیع الاول کو قبلہ اول میں ایمان افرزو محافل اور تقاریب کا اہتمام کیا جائے گا جن میں علماء حضور پاک کی سیرت طیبہ پر روشنی ڈالیں گے۔ شعراء اپنے نعتیہ کلام پیش کریں گے اور ولادت رسول صلی اللہ علیہ وسلم کے حوالے سے خصوصی گوشے پیش کیے جائیں گے۔
فلسطینی عالم دین اور مفتی اعظم الشیخ عکرمہ صبری نے اظہار رائے کی آڑ میں ختم المرسلین صلی اللہ علیہ وسلم کی شان میں گستاخی کرنے والوں کو جہنمی قرار دیتے ہوئے ان ممالک اور اداروں کی شدید مذمت کی جود گستاخان رسول کو تحفظ فراہم کرتے ہیں۔ انہوں نے کہا کہ سال 2014 ء کے دوران بھی آزادی اظہار رائے کی آڑ میں پیغمبر اسلام کی شان پاک میں کئی بار گستاخی کی گئی اور مختلف ممالک کی حکومتوں کی طرف سے ایسے دشمن اسلام عناصر کو تحفظ فراہم کرکے مذہب دشمنی کا ثبوت دیا گیا۔
بشکریہ:مرکزاطلاعات فلسطین