اسلامی تحریک مزاحمت حماس کے ترجمان فوزی برھوم نے قابض اسرائیلی حکام اور فلسطینی اتھارٹی پر الزام عائد کیا ہے کہ وہ مغربی کنارے میں مزاحمت کو دبانے کے لئے مل کر کام کر رہے ہیں۔
فوزی برھوم نے اپنے فیس بک پیج پر جاری بیان میں کہا ہے کہ صیہونی حکام اور فلسطینی اتھارٹی کی جانب سے حراستی مہمات میں حالیہ اضافے کا مقصد ان دونوں کے درمیان "امن” مذاکرات کی بحالی پر سے توجہ ہٹانا ہے۔
انہوں نے تمام پارٹیوں سے مطالبہ کیا ہے کہ وہ مذاکرات میں شامل تمام عناصر کو بے نقاب کریں۔ ان کے مطابق ان مذاکرات کے نتیجے میں فلسطینی کاز کو نقصان پہنچے گا۔
حماس ترجمان نے مغربی کنارے کی عوام سے مطالبہ کیا ہے کہ صیہونی حکام اور فلسطینی اتھارٹی کی جانب سے جاری حراستی مہمات کو مسترد کردیں اور رہائی پانے والے اسیران اور مزاحمت کے رہنمائوں کی حفاظت کریں۔
بشکریہ:مرکزاطلاعات فلسطین