اسرائیل کی جیلوں سے رہا ہونے والی کئی نمائندہ فلسطینی شخصیات نے ہفتے کے روز مصرمیں عرب لیگ کے سربراہ ڈاکٹر نبیل العربی اور مصری حکام سے ملاقات کی۔
فلسطینی نمائندہ وفد نے خود کو بھوک ہڑتالی اسیران کا نمائندہ قرار دیتے ہوئے عرب لیگ کے سربراہ اور مصری حکام پر زور دیا کہ وہ بھوک ہڑتالی اسیران کی جانیں بچانے کے لیے فوری اقدامات کریں۔مرکزاطلاعات فلسطین کے مطابق ہفتے کے روز قاہرہ پہنچنے والے فلسطینی سابق اسیران کے وفد نے روحی مشتہی کی قیادت میں مصری وزیرخارجہ ڈاکٹر کامل عمر سے ملاقات کی۔وفد میں سابق اسیران میں توفیق ابو نعیم، تیسیر البردینی، ابراہیم علیان، طارق الزین، سامر ابو سیر اور مصطفیٰ مسلمانی شامل تھے۔
"پی آئی سی” کے نامہ نگار کے مطابق قاہرہ میں فلسطینی نمائندہ وفد نے مصری وزیرخارجہ سے ملاقات میں اسرائیلی جیلوں میں بھوک ہڑتالی اسیران کا مسئلہ اٹھایا۔ اس موقع پرمصری وزیرخارجہ ڈاکٹر کامل عمر نے فلسطینی وفد کو یقین دلایا کہ ان کا ملک فلسطینی بھوک ہڑتالی اپنے بھائیوں کی ہر ممکن مدد جاری کے گا۔بعدازاں فلسطینی وفد نے قاہرہ میں عرب لیگ کے دفتر میں لیگ کے سیکرٹری جنرل ڈاکٹر نبیل العربی سے بھی ملاقات کی۔ اس ملاقات میں بھی فلسطینی بھوک ہڑتالی اسیران کا موضوع چھایا رہا۔ عرب لیگ کے سیکرٹری جنرل نے بھی کہا کہ وہ عالمی سطح پرفلسطینی اسیران کی بھوک ہڑتال کا معاملہ اٹھا رہے ہیں۔ انہیں جلد عالمی برادری کی طرف سے تعاون کی توقع ہے۔
بشکریہ: مرکز اطلاعات فلسطین