غزہ ( فلسطین نیوز۔مرکز اطلاعات) فلسطین کی قومی کمیٹی برائے حق واپسی اور انسداد ناکہ بندی کی اپیل پر مشرقی غزہ میں جاری احتجاجی کیمپوں میں نماز تراویح کا اہتمام کیا گیا۔
فلسطین نیوز کو موصول ہونے والی اطلاعات کے مطابق قومی کمیٹی کی طرف سے جاری کردہ بیان میں کہا گیا ہے کہ مشرقی غزہ کی سرحد پر حق واپسی کے لیے احتجاج کا سلسلہ ماہ صیام کے دوران بھی جاری رہے گا۔قومی کمیٹی کا کہنا ہے کہ غزہ کی پٹی میں مذہبی اور دینی جماعتوں نے بھیÂ احتجاجی کیمپوں میں نماز ترایح اور نماز جمعہ کا اعلان کیا گیا ہے۔ اس کے ساتھ ساتھ آج غزہ کی پٹی اور فلسطین بھر میں 14 مئی کو شہید ہونے والے فلسطینیوں کی یاد میں ’وفاء شہداء‘ منایا جائے گا۔
خیال رہے کہ 14 مئی کو غزہ کی پٹی کی مشرقی سرحد پر جمع ہزاروں فلسطینیوں نے حق واپسی کے لیے مظاہرے کیے۔ اسرائیلی فوج نے فلسطینی مظاہرین کو منتشر کرنے کے لیے ان پر طاقت کا استعمال کیا جس کے نتیجے میں 60 فلسطینی شہید اور ہزاروں زخمی ہوگئے تھے۔ غزہ کی مشرقی سرحد پر یہ احتجاج 30 مارچ 2018ء سے جاری ہے۔ اس احتجاجی تحریک کے دوران اب تک 110 فلسطینی شہید اور بارہ ہزار زخمی کیے جا چکے ہیں۔