فلسطینی ساحلی شہرغزہ کی پٹی میں اسرائیلی فوج نے مسلسل فضائی بمباری جاری رکھی ہوئی ہے۔ تازہ اطلاعات کے مطابق صہیونی فوج کی تازہ غارت گری کے نتیجے میں کم سے کم چھ افراد زخمی ہوئے ہیں۔
مرکزاطلاعات فلسطین کے مطابق صہیونی فوج نے جمعرات کو علی الصباح غزہ کےو سط اور شمال میں دو الگ الگ مقامات پر لڑاکا طیاروں کے ذریعے بمباری کی۔
غزہ کے شمال میں جبالیاکے مقام پر کی گئی گولہ باری میں چار افراد زخمی ہوگئے۔ زخمیوں کو اسپتال منتقل کیا گیا ہے جہاں ان کی حالت خطرے سے باہر بیان کی جاتی ہے۔ ادھر غزہ کےوسط میں صہیونی فوج کی فضائی گولہ باری کے نیتجے میں دو بچے زخمی ہوگئے۔ طبی ذرائع کے مطابق بچوں کو بھی معمولی زخم آئے ہیں۔ قبل ازیں غزہ کے شمال میں بیت لاھیا کے مقام پر صہیونی فوج کی گولہ باری سے دو دیگر افراد زخمی ہوگئے تھے۔ خیال رہے کہ صہیونی فوج کی جانب سے یہ تازہ بمباری ایک ایسے وقت میں کی گئی ہے جب گذشتہ چوبیس گھنٹوں کے دوران گولہ باری میں کم سے کم سات فلسطینی شہید ہو چکے ہیں۔
بشکریہ: مرکز اطلاعات فلسطین